“Thei hmanh, maw Israel, BAWIPA kan Pathian cu pakhat lawnglawng a si,” (Deut. 6:4-5).

Pathian nih cun Moses cu a thawh I, “Keimah cu Keimah ka si ko,” (Exo. 3:14).

Jesuh nih annih cu a thawh hna I, “Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” (John 8:24).

Jesuh nih a chim, “Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak tial cu,” (John 5:45).

“Inn satu pawl nih santlailo ah an rel I an hlawtmi lung cu, santlai bik lung a rak si ziar ko,” (Salm 118:22).

Cathiang nih, “Inn satu hna nih zei ah nan rel lomi lung cu, Lung santlai bik ah a cang,” tiah a timi kha Jesuh hi a si. (Lamkaltu 4:11-12).

Baibal Kong (About The Bible)

Cathiang hi a dihlak in Pathian thaw chuahhnawhmi a si I biatak cawnpiaknak caah le palhnak cawnpiaknak alnak caah le palhmi remhnak caah le ding tein nunnak ding cawnpiaknak caah a thahnemmi a si, (2 Timote 3:15-17).
 

Pathian le Jesuh kong (About God and Jesus)

Pathian cu pakhat lawnglawng a si, Deut. 6:4. Cu Pathian pakhat cu PA dir hmung in a rak ilang, Thiang Thlarau in Jesuh Khrih cu Pathian fapa a si. Cucu hi bantuk in a si, “Pathian cu Minung pum in a lang,” tiah a ti, (1 Timote 3:16).

“Khrih cu humh khawh lomi Pathian mui a si,” (Kolose 1:15).

“Pathian sining cu tling khitket tein Khrih a minung sinak ah khan a um,” (Kolose 2:9).

Cucaah, Jesuh Khrih hmuh cu PA Pathian hmuh a si. Filip nih Jesuh cu a hal, “Bawipa, na Pa cu kan hmuhsak law cu vial cu kan herhmi a si ko,” tiah a ti. Jesuh nih a chim, “Keimah a ka hmutu paoh nih cun ka Pa kha an hmuh ve ko. Keimah cu ka Pa chungah ka um I ka Pa cu keimah chung a um kha na zum lo maw,” Filip? (John 14:8-9).

“Bawipa pakhat lawng a um, zumhnak pakhat lawng a um, tipil innak pakhat lawng a um,” (Efesa 4:4-6).

Pathian nih cun Moses cu a thawh I, “Keimah cu Keimah ka si ko. Keimah a simi nih khan, keimah cu nan sinah ka ka thlah, tiah Israel mi cu na chimh hna lai,: ati. (Exodus 3:14).

Cucaah cun pei, nan sualnak chungah nan thi lai, kan ti hna kha a si cu. Cun ‘Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna. (John 8:24).

Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rat tial cu. (John 5:46).

Sualnak le Khamhnak kong (About Sin and Salvation)

“Sual cia in hrin ka si, ka nu nih a ka pawi ah khan, misual ka si cang,” Salm 51:5).

Zeicahtiah mi vialte cu kan sual dih cio ko, cucaah khamh kan herhnak cu a si. Khamhnak, ngaihthiamnak hna cu Jesush Khrih zumhnak thawngin hmuh ding a si (Rom 3:23-25; 6:23; Efesa 2:8-9).

Thawngtha kong (About the Gospel)

Cathiang chungah a rak I tial bang khan Khrih cu kan sualnak caah a thi, cun Cathiang chung thiamthiam ah a tial rih bantukin, an vui I ni thumnak ni ah thawhter a si. Hihi kan zumh, ni fa te kan nunnak ah ii nun pi lengmang kan izuam. Peter nih annih cu a thawh hna I, “Nan dihlak in, pakhat hmanh bau loin, nan sualnak khan I mer tuah u, nan sualnak kha, ngaihthiam nan si nakhnga nan sualnak kha I mer u law Jesush Khrih min in tipilnak ing tuah u; cun Pathian laksawng Thiang Thlarua kha nan hmuh lai ii, Thiang Thlarau nih chim khawhnak a pek hna bantuk cio khan holh dang in an holh. Jesuh Khrih a thihnak, pumnak le thawh thannak cu kan theih, kan zumh. Cun Thiang Thlarau nih chim khawhnak a kan pek ah cun, holh dang in holh kan pom. (1 Cor 15:1-4; Lamkaltu 2:4, 37-39; 2Thes 1:8; 1Pet 4:17; Mk 1:15; Lamkaltu 15:7; Rom 6:3-4; Lamkaltu 8:9-17; 10:1-48; 19:1-7).

Khrihfa nun zia kong (About Christian Living)

Khrihfa kan si caah, Bawipa Jesuh cu kan lungthin dihlak le kan nunnak dihlak le kan ruahnak dihlak le kan thazang dihlak in kan dawt. Kan innpa/nu kha kan mah kan I dawt bantuk in kan dawt lai. Pathian cu kan lungthin dih lak le kan thazang dih lak in kan thangthat lai. Kan ruahnak in siseh, kan bia chim in siseh, leng lei in kan tuah mi siseh, chung lei in kan tuah mi si hna seh, amah Pathian lawmh ter a si. Kan nih Pentecostal church cu, khua ruahhar in Thiang Thlarau nih kan sinah rian a tuan tiah kan zumh. (Mk 12:28-31; 1 Cor 12:8-10; 2 Cor 7:1; Rom 8:13-14; Gal 5:19-26; Heb 12:14).

Biaceihnak Hmanung bik kong (About The Future)

Cathiang ah kan hmuh bantuk in, Khrih zumh buin a rak thimi kha nunnak ah thawhter an si hmasa lai i. Cu caan I a nung rihmi kannih pawl cu khuadawm lakah khin Bawipa cu van I hung ton awkah pumh kan si dih lai. Cun Bawipa sinah cun zungzal in kan um lai. Jesuh Khrih a mah a zum mi hna lak dingah a ra than lai. Ni dongh ni ah, biaceihnak a um lai, mi thiang mi hna cu Jesuh he a zungzal in an um lai. Mi thiang lo, nunnak cauk chungah an min aa tial lomi paoh cu mei tili chungah cun an paih hna lai. (2Thes 4:16-17; Rev 20:11-15).